विचारहरू धेरै छन्।
हुन पनि सक्छन्।
कहानी जे पनि बनाउन सकिन्छ।
तर जे पनि मान्न सकिँदैन।
तपाईँको इतिहास सुरुमा आमा सँग जोडिएको छ।
बा पनि तपाईँ इतिहास सँग हुनुहुन्छ।
बा आमाको इतिहास हजुरबा आमा सँग जोडिएको छ।
हाम्रा
पुर्खाहरू
नै हाम्रा इतिहास हुन।
हाम्रा पुर्खाहरू जोडिएको भूगोल हो यो।
हाम्रा पुर्खाहरूले जोडेको भूगोल हो यो।
अझ भनौँ, तपाईँ यो भूगोल सँग जोडिनु भएको छ।
तपाईँको समाज,
संस्कृति
सँग जोडिएको छ।
संस्कृति
तपाईँको जीवन सँग जोडिएको छ।
तपाईँ जस्तै म पनि भूगोल-
संस्कृति
सँग जोडिएको छु।
जीवन हाम्रो सरल नै छ। अनि इतिहास पनि।
हामीहरू शाखा नदि जस्तै हौ।
हामी जोडिने मूल नदिमा नै हो।
मूल नदी भनेको देश हो।
इतिहास नदि को हुन्छ।
जसरी मूल नदिको पानी कुन शाखाको हो भन्न सकिँदैन ।
यसको छुट्टै अस्तित्व हुन्छ।
जस्तो विभिन्न भाषा संस्कृति र जातहरू मिलेर छुट्टै देश बनेको हुन्छ।
हाम्रो देश नेपाल जस्तै।
त्यसैले हाम्रो इतिहास बुझौँ। बुझाऔँ।
हाम्रो इतिहास अरूले भनेको जस्तो होइन।
म कसको छोरा- छोरी हुँ भनेर अरूलाई सोध्ने होइन।
आफ्नै बा आमालाई सोधौँ।
कसैले लेखिदिएको कहानी सुनेर वा पढेर आफ्नै आमा बा माथि प्रश्न नगरौँ।
आफ्नो देश लाई आफैले बुझौँ।
आफ्नो इतिहास र आफ्नो भूमिलाई चिनौँ।
कसैले तपाईँको इतिहास माथि प्रश्न गर्न नसकोस्।
यो कुरा चाहिँ कहिल्यै नभुलैं तपाईँको इतिहास भनेको तपाईँको अस्तित्व सँग जोडिएको कुरा हो।
देश तपाईँको अस्तित्वको पहिलो आधार हो।
झन्डा माथि विवाद नगरौँ।
आफ्नै देश र झन्डा माथि विवाद गरेर जग नहसासौं।
बिन्ती।
देश रहे न तपाई रहने हो म रहने हो।
हामी रहने हो।
हाम्रो इतिहास रहने हो।
जे कुरामा पनि विवाद ठिक हुन्न।
देश हाम्रो बिश्वास हो। झन्डा देश हाम्रो सान हो।
हाम्रो भूमि हाम्रो जननी हुन्न।
त्यसैले, आफ्नो जननीलाई माया र सम्मान गरौँ।
कसैले सुनाएको कहानी को पछि लागेर आफ्नै आमा माथि प्रश्न नगरौँ।
जय देश नेपाल।
-सुदर्शन सापकोटा
२०७७-०५-११
Comments
Post a Comment